Totus obex totaque difficultas propter quam retardatus hactenus fuit Pontificous ordo ad confectionem Processus Suffraganeatus Colocensis, in ista Viennensi Nunciatura, in sequentibus principaliter stetit, et adhuc permanet. Pretendit primo loco hec sige consistorialis secretaria; quod hujusmodi ordo, non sit dandus per simplices Literas Eminentissimi Cardinalis Secretarii Status (prout nos substinemus) implorato ad hunc effectum auxilio, Manuque adjutrice Eminentissimi de Herzan: sed per Decretum, seu formale mandatum dictem Congregationis Consistoriali, ad quod habendum requireretur expensa scutorum quadraginta circiter, quam explere non debui sine expresso ordine dicti Eminentissimi de Herzan Protectoris Germanie. Huic difficultati, seu obici, ex dicta pretensione promananti, accessit infirmitas supradicti Eminentissimi de Herzan, propter quam a die 10. proteriti Decembris usque ad hodiernam met diem, datum non fuit de negocii, alloqui cum prefato Eminentissimo Cardinali; Et consequenter hocce nostrum Negocium  suspensum, et inresolutum remanere omnino debuerit, ac debeat usque ad totalem reconvalescentiam ejusdem Cardinalis, cum in mea libertate non sit deveniendi ad expeditionem supradicti pretensi Decreti, seu mandati quando in negocio manus appposuit. Etiam eminentissimus Minister et Protector, Imperialis, de his iisdem difficultatibus, seu obicibus, jam apprime instructi, et informati extiterunt tum Excellentiae et Reverendissimus Dominus meus Archiepiscopus Colocensis, tum Reverendissmus Dominus Canonicus Palma, unde de una ad aliam diem prestolor eorum precisum mandatum; et si mihi prescribent, ut deveniam ad expeditionem formalii Decreti illico illud expediam, et ad Domine Vestra Illustrissimam transmittam. Sine tamen hujusmodi expresso ordine, ad hujusmodi actum non procedam, ne incurram indignationem dicti Eminentissimi Cardinalis, et consequenter istius Imperialis Aule.

Hec quoad difficultates, que causam dederunt suppensioni hujus negocii; Quo-vero ad expensas qua, pro expeditione Bullarum occurrent, postquam ad hanc Urbem pervenerit Processus informativus, et de quibus informavi cupit Domino Vestra [...]: Cum hujusmodi expense diverse sint, et diverse esse possint, tum ex diversitate circumstantiarum, tum ex diversitate modi, que in negecio concurrant, et respective negocium ipsum pertractandum veniat, possibile sane non est, et de imprudenta redargui possem, si integram expensam absolute, sine scientia scilicet dictarum circumstantiarum, et modi requirerem.

Diverse sane esse possunt dicte expense ex diversitate circumstantiarum. Si enim electus Episcopus suffraganeus plura possidet, et possidere debet beneficia Canonicatus nempe, prepositura aliquam, aut alias similes Dignitares, indiget tot separatis Gratiis quot sunt Beneficia, que retinere debet, et pro qualibet ex his gratiis, seu retentionibus, solvere proportionabiliter debet illam summam, que requiritur ad normam Concordatorum Germanie. Unde si plures sint Gratie, major requiritur impensa.

Diverse demum sunt eadem expense ex diversitate modi, quo pertractandum venit negocium. Si enim acceleranda veniat expeditio sub unico Consistorio, tunc preter expensas Bullarum pro titulo in Partibus, et pro gratiis retentionum et preter consuetam Propinam, solvendam Eminentissimo Protectori de Herzan, Auditori Imperiali, et Famulis utriusque, superaccedit altera Propina, solvenda Pape, et Cardinali ejus Auditori: Si vero proponi velit sub duplici Consistorio, tunc et in hoc casu, in longum sane tempus protrahitur utique expeditio Negocii, sed ab integra expensa diminuitur summa solvenda Pape, et ejus Auditori.

Expedivi quocirca nuper sub unico Consistorio, et cum duplici retentionum gratia suffraganeatum Vaccensem, et computatis ambis Propinis, ambisque Gratiis, solvi scuta quingenta, et aliquid plus, juxta authenticum computum ad (...) Episcopum Szerdahely expeditum.

In casu autem nostro, si duo Consistoria expectanda veniant, detrahenda erunt scuta octuaginta circiter a dicta Summa, cum ad eamdem quantitatem ascendat circiter Propina debita Pape, et Cardirali Auditori.

Advertere de caetero debeo, quod si nos adacti erimus ad expeditionem Decreti pro formatione Processus; cum hujusmodi punctum adhuc ut supra indecisum hic remaneat; tunc et in hoc casu superaddenda venit integre expense per nos officiende, alia expensa pro expeditione mox dicti Decreti relatorum scutorum quadraginta, que est expensa insolita, et quam pretendunt in nostro casu, ex quo agitur de primo suffraganeatu in ArchiDiaecesi Colocensi constituendo.

Ex premissis facillime, in fallor arquet Domino Vestra Illustrissima per se ipsam, ad quam summam circiter adscendent nostre expense; cum sibi magis, quam mihi innotescet modus, quo pertractandum sit negocium, utrum scilicet sub uno, vel sub duplici Consistorio, et linotescent circumstantia, seu gratie Retentionum, que petende veniant; Et me commendans pretiosissimo suo Amori, obsequentissime maneo.

Rome. 31 Januarii 1780.