Copiosas preprimis refero gratias Excellentissime Vestre Reverendissime ex dignatione Veneratissimorum Suorum Characterum, cum quibus de perceptioni tum mearum, tum aliarum per Reverendissimum Dominum Sacerdotem Fogarassium eo tunc, et usque ad diem 24 decursi April habitarum Literarum certioratos non tantum nos reddit, sed insuper, et ulterius, ac in confirmationem pretiosissimi sui erga me amoris pollicetur, ac benignissime spondet potentissima sua in mei favorem officia, ac commendationes.

In adimplementum autem, et executionem eorum, que in prevelato ejusdem Excellentissime Vestre Reverendissime novissimo Folio prescribuntur circa notitias per intervallum temporis hic occurentes (quas de coetero ex debito mei officii communicare non desissem, si alique in praeteritum extitissent, que alicujus ponderi, vel scitu, ac relatione digne judicaventur, et de quarum veritate dubitari non posset. Invaluit siquidem in presentiarum in hac urbe damnabilis mos, ut quamplurime circumferantur notitie, que prorsus false, aut somnitate, fuerunt) significare hic, et nunc cum tutiori fundamento possum, habitum sub mox elapsa die 12 hujus ejusdem Mensis fuisse Consistorium in quo (exceptis praeconizatione, et Propositione nonnullarum Episcopalium Ecclasiarum) unica, et dumtaxat facta extitit relatio sequiti obitus Regis Ulysiponensis cujus solemnes Exequie celebrabuntur die Crastina.

Aliud tamen inde, et in successivo Mense Junii habebitur simile consistorium. In eo vero de 20. actu vacantibus Cardinalitis Pileis, decam, vel. I. R. collati per Pontificem remanebunt totidem Presulibus, de ejus libera collatione eligendis, quorum sex publicabuntur reliqui vero in pectore reservati remanebunt.

Hi antem ut supra electi, et in pectore reservati Cardinales nominati, ac publicati erunt conjunctim ad reliquos 8 ex Regiis nominationibus promovendos, et complentes vigesimum numerum dictorum vacantium Pileorum in altero successivo, ac finali Consistorio, postmodum, et probabiliter sub initio futuri Septembris habendo, et in horum novorum Purpuratorum numero cooptatos videbimus Archiepiscopos, et Primates Strigoniensem, et Mechliniensem aliosquo, do quibus suo tempore adnotabo nomina, ac Dignitates, coeteraque omnia describam, que, in eisdem habendis Consistoris sequi contingant. Undo, et in hac parte relative me habens ad successivas meas, measque, et gratias repetens, et supplices renovans

preces pro continuatione potentissimi Sui Patrocinii una cum Reverendissimo Domino Fogarassio hic presente, profundissimam ago reverentiam in osculo Sacrarum vestium.

Rome 14 maii 1777