Hodie expedivi ginsium ad A. R. Dominum Parochum Kovatscies cistam et fasciculum librorum tam in quam extra auctionem ad mandatum Illustritatis vestrae coemptorum, quorum pretium jam nuper perscripsi. Pro cista involucro, portoriis et obsigillatione expendi 4 f 1 x. cum auriga de vectura ginsium usque in 3f conveni. Trigintu florenos nuperrime transmissos rite percepi; necesse prorsus non fuisset hos in antecessum mittere, rogavi solum, ut, si omnes apud Ginsium designatos libros comparare et statim exsolvere debuissem major haec summa mihi antea submittatur quorum librorum emptionem et eadem simul occasione transmissionem lubens in me assumpsissam, cum Ginzio ipse jam ante conveni, ut ex tota summa pecuniae aliquid remittat. Offero ulteriora obsequia mea, et me gratiis ac favoribus humillime commendans persevero

Viennae 1 Juli 1791