Altera jam septimana labetur, a quo ad ultimas meas literas responsum ac mandatum Illustritatis Vestrae exspecto, an libros tam ex catalogo scripto, in eadem epistola a me misso, tum et catalogo impresso pridem submisso desideret, ut ad parcendum sumptibus libros fors desideratos cum iis, quos jam emeram, simul expedite potuissem. Metuo, ne non fors infirmitas, de qua mihi nuper Reverendissimis Dominis Eölbei scripserat, dinturni silentii causa sit; quod dens avertat. Ego intere ne Illustritas Vestra libris a me comparatis dia nimis careat hodie ginsium ad A. R. Dominum Parochum cista bene custoditos expedivi, et itarum catalogum auctionis librorum adjeci. Quosnam libros emerim, quosqut sumptus fecerim, in altera pagina adnotavi.

Spero Illustritatem Vestram de emptione Dictionarii Bailiensi optime contentum fore, opus enim elegantissimum, novissimum, [...] compactum 8 voluminibus constans non nisi 67 f. a me emptum est.

Hac occasiones significo, ab Excellentissimo ac Reverendissimo Domino Episcopo as S. Hippolyti et stimul Vicario Apostolico castrensi delatum mihi esst officium secretarii consistorii militaris, quod inde ab elapsa septimano jam gero. Hoc non obstante tamen conabor, quantum fieri poterit, negotia Illustritatis Vestrae continuare. Queis me continuis favoribus et gratiis hummillime commendans persevero

Viennae 10 May 1791

Antonius Kurtz

Finita jam epistola hac venit ad me R. P. Prior Domini canorum ab Illustritate Vestra missus, cui dixi, negotium totum actu a me finitum esse, et epistolam hanc tradidi. Retulit is mihi, Illustritatem Vestram velle, ut pecunias pro expensis a me factis a spectabili Domino Agenti Nemes petam. Ego itaque mandatis obsequar.