Sub spe recipiendi de una ad aliam diem novas Literas Dominis Vestre Reverendissime et Illustrissime repondere hactenus distuli veneratissime Sue epistole signate die 7 elapsi Januarii, et in fine circiter eiusdem Mensis a me recepte: praesertim cum in eadem epistola gratiosissime ipsa Vestra Reverendissima, ac Illustrissima, indicasset quod via, et medio nunciature Viennensis quam cito uti intendebat pro sollicita expeditione suarum gratiarum.

Verum, cum hanc novam Literam, usque modo non viderim, et interea temporis sequutum hic sit sub mox elapsa die lune 14 currentis Februarii consistorium, cum creatione, et publicatione plurium novorum Cardinalium, inter quos comprehensus quoque extitit Excellentissimus Garampi, iam nuncius Viennensis, et nunc Sacre Romane Ecclesie Cardinalis. Ideo meum responsum ulterius protrhaendum non duxi, ad effectum notificandi, et referndi cum distinctione notulam, tum electorum, et nominatorum Cardinalium aliorum pariter creatorum, sed non nominatorum Purpuratorum Patrum in Pontificio Pectore reservatorum. Cardinalis quo circa creati, et publicati tresdecim fuerunt, inter quos Eminentissimus, ut supra Garampi, et tres ali nuncii apud regias aulas, Gallicam, Hispanicam, et Lusitanam.

Preter hos tresdecim cardinales, alios quinque creavit, sed inpectore reservavit, quibus addendi veniunt aliis quatuor, pariter in pectore reservati ab anno 1777 usque ad presens ita, ut novem creati, sed in pectore reservati connumerentur; Et sic presens Promotio constituatur in viginti duobus creatis Cardinalibus, ad quorum omnium complementum unus tantum deficit, arbitrio [...] postmoduni creandus.

In prelaudato consistorio confirmati itidem fuerunt quamplures novi Episcipo ex diversis partibus, [...] comprehensi cum eis non fuerunt novi Episcopi istius Regni in quorum destinatione, me Rursus, rursusque commendans validissimo Suo Patrocinio, et potentissimi officiis, cum pro profundissimo obsequio sacratissimas deosculor vestes  [...]

Rome 16 februari 1785