Literam cum fasciculo expediri curavi ad Reverentiam Vestram, quam Fiscalis meus Pestinum Secum accepit ea cum instructione, ut eandem aurigae, qualibet hebdomade, ut informatus sum, Quinque-Ecclesias descendere solito comittat, accepta vero Reverendissima Vestra litera rursum scripsi eidem fiscali meo, ut, si nondum praeattos ordines explevisset, invigilet, quando canonicus Quinque- Ecclesiensis Pestinum compariturus est, et eidem consignet. Professio Fidei Conformiter ad Bullam Pii IV In Sacrosancta per Professores emittenda, quia in primordio Scholarum mearum in usum non venit, ab eo tempore non practicatur. Ordines circa Asylum provisorio modo elargiti omnino sunt praejudiciosi, et ipse his in circumstantiis conatus meos eo direxi, ut et Conscientiae, et indemnitati hominum meorum consulatur; Si profanatio, si vis intervenerit, Domine vim patior, responde pro me, dicendum nobis supererit. Pratanter accipiam, (si instructionis de caeremoniis Missae privatae exemplar unum mihi submiserit Reveredissima Domine, cujus in reliquo benevolentiae commendatus

Agriae 14 januarii 1777