Promissorum Reverendissimae Dominae implementum de submittendis mihi in modernos normales viennenses Catechismos Suae Excellentiae Domini Episcopi Quinque-Ecclesiensis reflexionibus hactenus experiri non potui; accepi equidem cum litera Reverentiae Vestrae librum de Jubilaeo, et reflexiones de priore Catechismo, praecipue tamen desideravi in modernos Catechismos; qua reflectionum obtinendarum spe hactenus distuli meas Exelso Consilio submittere reflexiones, ut tanto liberius sensa mea pandere possim, si eadem Sapienti Suae Excellentiae judicio conformia viderem quas reflexiones nunc jam tanto ardentius desidero, quod Sua Celsitudo Primas recentius mihi scripserit, plerosque Dominos Episcopos accedere acceptationi propositi cathecismi praeter Quinque-Ecclesiensem, et Jauriensem, quam nullas hucdum, alii vero exiguas adduxere observationes; velit proinde Reverendissima Domine iterato huic petito meo subscribere, et copiam Earundem reflexionum mihi facere, quo mihi nihil gratus hac vice praestavi posset. In reliquo benevolentiae commendatus maneo.

Agriae 28 novembris 1776