Pro eo ac summa mihi est constansque Reverentiae Vestrae complacendi voluntas, commendato per Eandem Iuveni Georgio Banoczy uti favere ex corde cupio, ita doleo plane, quod desiderio ejusdem satisfacere non perinde statim possim, ac velim. Hujusmodi scilicet Juvenes, quos Clericali ordini adscriptos esse, vel fuisse novi, nunquam nisi cognita Causa mutatiae voluntatis suscipere svevi, cautionem hane prorsus necessariam semper abitratus.

Quare si Reverentia Vestra indulserit, nec obstet Iuvenis prius, quam certi quippiam rescribam; Dominum Strigoniemem Vicarium Gralem interogare constitui de causa, ex qua illum Vienna Tyrnaviam evocandum existimaverit? scire praeterea mea interest plurimum: quasnam linguas calleat? nam nisi duas minimum plene possideat ex tribus, quarum in Dioecesi mea usus est, Hungarica nimirum, Germanica, et Illyrica recipi abs me non potest, quippe oneri potius, quam usui futurus.

Quod reliquum est, pro perscriptis mihi notitiis gratias habeo, unaque, quod serius rescribam, id maximis meis, et quotidianis isthic occupationibus adscribi peto. 

Quinque Ecclesiis 22 Maji 1771. 

A. R. B. Petro Gazzaniga Professori

Viennam