o mensis istius P. Generalis Paulinorum Romano se dedit itineri, parumque abfuit quin ita elapsus sit, ut destinatos ame Tibi quinquaginta aureos ei consignare nequiverim. Verum belle acciderat, ut aliquis hinc eo proficisceretur, ubi se P. Generalis paucis adhuc diebus ante suum discessum delinebat: huic igitur eos aureos tradidi, ad P. Gratem, et ab hoc ad Te perferendos, speroque hanc pecuniam Patri Generali rite esse consignatam, etsi nullam adhuc superinde relationem acceperim.

Secretarius meus dicit se optime recordari Episiolae Tuae, qua septem adminus Litteras per annum Tibi scribi postulabas, hocque numero Te contentum fore declarabas; porro subjungebat intra spatium Trium mensium hanc quartam esse Epistolam ad Te exaratam, unde inferebat, pro Anno hoc currente Tres duntaxat Tibi ex Contractu deberi, cui se ad amussim, imo ultra contractam obligationem satisfacturum iterum iterumque pollicetur. Quare injuriam sibi a Te conqueritur illatam, qui postremis litteris Tuis severius, quam par erat, de negligentia eum admonuisti, imo vero obligatae fidei suae cumulate satisfacientem iniqua, ut ajebat, Censura per Arinxisti. Caeterum hanc injuriam se vindicaturum minatur, ac ita pigritio nomen licet indebite sibi mustam a se amoliturum, ut non amplius de negligentia accusari possit. Et quia rerum Polonicarum notitia Te delectari animadvertit, plenam earum scientium Te ex publicis scriptis, quae novellae dicuntur, haurire posse monet. Et vero fatis nos a Theatro Belli remoti sumus, nec plura scimus, quam quae in novellis vulgo feruntur: quae quidem vera falsis mixta plerumque continent. Ad tamen constare videtur, Moschos non ita pridem insignem de Turcis victoriam retulisse, totaque pene Moldavia potiri, quod homines ejus Provinciae ad Confinia nostra fugientes attestantur. Medicina, quam pro firmandis dentibus transmissisti, confecta isthic est, et quamvis eam ipse non omnino efficacem sentiam, alius tamen qui ea usus est, bonum illius effectum experitur. Excellentimus Praesul Veszprimiensis e Thermis redux Viennae nunc moratur; audio Thermas illas ei non mediocriter proficuas fiusse, duos attamen dentes non ita pridem amisit; quibus alios artefactos subtituere debuit.

Adjungo hic sub sigillo volante epistolam Eminentissimo Cardinali Casellio inscriptam: hanc ut pro Tui directione perlegas, porro autem Suae Eminentiae tradas, Te impense oro, et quia indulgentiam plenariam pro Ecclesia Parochiali Sottinensi Dioecesis meae a Sua Sanctitate dictis Litteris peto, curabis, ut expediendum indulgentiarum Breve ad me quo celerius perveniat. Quod reliquum est, ita me rationum Tuarum studiosum esse moveris, ut nihil mihi iis sit antiquius. Itaque petitionem Tuam meliori quo poteram modo apud Episcoporum Sirminsem per quemdam amicum Virum. Excellentissimum promovi: qui certe, si non omnino, satis tamen favorabiliter ad factam Tui commendationem praedicto Viro Excellentissimo respondit, quemadmodum ex huc adnepo Litterarum ejus exemplo uberimus intelliges. Bonfinii opuscula, quae jam dudum viae commisisti nondum percessi, ac persuasus sum, ea non adhuc esse Viennam allata; nam Dominus Georgius Bernath nihil mihi

super iis seu scripsit, seu nunciavit: novit Deus, ubinam delitescant. Opusculi Mamachiani De Manibus mortuisprimum Librum integre percepi, sequentes duos, quos in Praefatione pollicetur, a Te mittendos expecto, non tamen per Postam, sed per occasionem securam talem videlicet quae in Censuram Viennensem similibus Libris insidiantem non incidat. De caetero amica cum observantia persevero. Posoni 30 Aug. 1769. Verus Addicimus Servus

[...] Paolo Bernardo Giordani

 Romam