Paterna mea in Se benevolentia, quam ex nupernis Litteris meis satis superque perspexeris, solititum me tenet de eo, ut in primo Tuo in Urbem adventu paratum hospitium invenias. Quapropter cum hujatibus Patribus Paulinis rem ita transegi, ut cum Romam veneris, recta ad Residentiam illorum Patrum juxta S. Mariam Majorem, sitam accedas, paratum ibi reperturus hospitium, illicque eousque moreris, dum Tibi aliud ab amicis seu meis, seu Patris Gazzaniga paretur, quod tamen ita intelligas velim, ut si jam aliud opera Patris Gazzaniga paratum esset, hoc prae illo eligas. Id quod Tibi pro directione significo, caeterum proximius a Te informari volo, quantum Tibi ex viatico hactenus remanserit, ad quantum item expensae pro itinere Bergamo usque Romam, et pro tempore Tuae illic commorationis assurecturae creduntur: quo necessarias eatenus dispositiones facere queam, qui dum felicem Vestrum Bergamum adventum quem ex Litteris Tuis intellexi Tibi, Patrique Gazzaniga, quem humanissime saluto, gratulor. [...]