Quae mihi vota defert, occasione redeuntis festivitatis Divo Georgio, ac Tutelari meo sacrae, hoc majore cum grate animi obligatione suscipio, quo minus dubito affectus in me sui sincerum esse argumentum. Sit utinam S. Georgius alios inter pro me apud Deum intercessor; ut quam vehementer cupio, atque hoc tempore pernecessarium est, salutarem populo curam, Clero meo doctrinam impendere possim. Reverendissimo Domino Canonico Stock pro officiosa mei memoria pariter obliger uti et pro prompto Ejusdem animo, operaque in ordine ad restaurandam Quinque-Ecclesiensem academiam, Ipse eatenus cum Eodem plura conferam, ubi semel propitio Numine Viennam adivero. Ego nunc Nadasdiensi meo Tusculo utor ad secessum, a quo tamen jam jam me avellunt graviores prae scribus curae, quibus expeditus revertar usurus isthuc potione ex meris herbis confecta modo ita ad salutem cedat quemadmodum priore anno, quo quidem effectum optimum sensi. Pro actis Ecclesiae ultra jectinae, et Libello alio eandem rem spectante etiam grates resero, ac in reliquo plena cum observantia persevero. Nadasd. 30. Aprilis 1766.