Ante dies aliquot bina in duplici quaestione Theologica systemata Professoris mei Alumno meo Koller submiseram, ut haec Reverendissimae Vestrae traderet pervolvenda, neque dubito hactenus ab Eodem suisse reddita. Non ignoro quidem, quod illis labores inter scholasticos occupatae molestus accidam; sed voluntatis in me suae, neque semel duntaxat testatae memor, id mihi sumpsi, ut vel necessaria otia interturbem. Ut itaque illa, si quando tempus a reliquis laboribus vacuum nacta fuerit, pervolvere, suumque eatenus sensum adjicere velit, majorem in modum peto, quo hunc cui multum defero, lubentius abs Eadem exquiro, hoc erunt mihi gratiora deprompta judicia, et si illa cum ascensu meo, qui in 15tam adfuturi Mensis incidet, Viennae audire quivero, longe etiam gratissima. Ea occasione forte plura loqui poterimus, cui quidem reservo praelectiones Theologicas ad D. Thomae doctrinam illustrandam directas. P. Nicolai Augustini Chignoli Ord. Praed. in Terariensi primum, in Regia Tarinensi, demum Universitate Sacrae Theologiae Professoris nuper typis Venetis in tribus voluminibus excusas avidus praestoler Librum; sed cum de eo ante abitum meum in Ungariam inveliendo jam desperem, in antecessum de authore Reverendissimae Vestrae perscribere volui, a Theologicis lucubrationibus, aut aliunde forte Eidem noto. Quod reliquum est me piae ad aras memoriae commendo, et plena cum observantia maneo. Posonii 27. Febr. 1766.