Transmissum mihi Bibliothecae Baronis de Alarck Cathalogum ubi pervolverem, librum in eo nullum fere zeperi, qui aut jam in mea Bibliotheca non esset, aut quem emere magnopere desiderarem. Numorum quoque cum antiquorum, tum recentium, et Memorialium tantam jam collectionem, ut dubitem inter dicti Baronis Nummos haberi aliquos, qui in meo Numophylacio desiderarentur. Quare Cathalogum praedictum remitens Dominum Consiliarium a Petsch plurimum revereor, quodque votis ejusdem favere hac in re nequeam, obsequiose deprecor. De caetero vota mihi ad diem nominis mei per Perillrem Domine Vostra nuncupata, ut pergrata mihi fuerunt, ita peculiares pro iis gratias ago. Significo una desideratum duorum comitatuum vinum in vasis duobus urn: 13 efficientibus a me jam missum esse. Placeat illud interim ad ulteriorem meam despositionem ad suum Cellarium deponi curare, gustareque num bonum sit. Aberam enim domo, quum illud expeditum est, nec proinde gustare illud potui. Illustrissimum Dominum Episcopum Kertiza vicissim amice veneror, et constanti cum observantia persevero. Quinque - Ecclesiis 8. Maji 1775.

D. Josepho Pavieo / Pavies 

Viennam