Klimó Giordaninak 

Nescio unde accidat, quod ego Literas Reverendissimae D. Vestrae semper accipiam, meae porro, sive quas Quinque-Ecclesiis, seu etiam Posonio exaro, Eidem non reddantur, nisi forte curfores ipsi longioris suae Mediolani commorationis pertaesi cas Romam dirigant, quo Reverendissmam Vostram e advolare faciant. Ubi ubi culpa sit, a me certe etsi laboribus plurimis impedito semper in vicem officii responsoriae redeunt, et si quando eas consulere dabitur, quas de 7 April. de 2 Julii novissime de 21 Augusti plenissimas obsequii perscripseram; bona Ejusdem graria a nota Silentiarii excusabor: ibi enim de meis itinerationibus, de Cardinalis a Cordova et Episcopi Aquilari Literis, de Synodo Baptitelli, denique de Vitibus Tokaiensibus; sed et de cognitione causae, cur tamdiu Mediolani commoretur, fusius tractaveram, quod quidem spero me aliquando resciturum. Pro Brevi Apostolico, uti et submissa salute a Comite Firmiano habeo Eidem gratiam, hancque mei memoriam gratus recognosco; Cui ut pariter salutem ex me deferre velit, abs Eadem peto; quemadmodum et illud, ut de me quoad Literarium officium deinceps melius sentiat; posteaquam hujus non unum praebeo argumentum. Commendo me, et amica cum observantia persevero. Poson 22 8bris 1762.

D. Giordani Mediolarum.