Excellentissime, Illusrissime et Reverendissime Domine Domine et Praelate miri Gratosissime Benignissime!

Quod priori epistola exequi non poteram, praesenti persequor: Mediolani quantos in Societate Patris Gazzaniga honores tulerim, longum esset narrare. Sua Excellentia Comes de Firmian bis me Mensae Suae adhibere dignatus est, quo tempore de veteri Sua cum Excellentia Vestra amicitia gloriatus est, atque pro ea Benignitatem in me Suam singularius luculentisque demonstravit. Jani Jannonii quod in Bibliotheca Ambrosiana extat opusculum serius citiusve habituros nos confido, de altero quod est Florentiae, cum adivero curabo. Hic Cognatum Excellentiae Vestrae cum die quaesivissem, 16 Julii cum ceteris Legionariis discessisse comperi. Qudquid Excellentia Vestra disponere dignabitur, Mandata Florentiae praestolabor, Literis semper ad Conventum PP. Praedicatorum sin’ postea pace Excellentiae Vestrae Romae constitero, ad Conventum itidem Praedicatorum supra Minervam directis. Cras Genuam iter prosequar. Inde post octo dies cum P. Remedelli in Hetruriam. Ibi diutius morabor. P. Gazzaniga Excellentiam Vostram submisse reveretur, ego Manus exosculans submissa veneratione persevero

Ticini die 18 Aug. 1766

Josephus Koller