Excellentissime Illusrissime ac Reverendissime Domine Domine Praesul ac Patrone colendissime gratiossissime! Aperiente se se anni exodio summa grati animi demissione in conspectum Excellentiae Vestrae venimus, debitum clientelare obsequium nostrum renovantes; idque non animo communi usui hominum satisfaciendi, sed potius singularem Excellentiae Vestrae erga nos munificentiam grata memoria recolendi. Et quoniam tam liberali Excellentiae Vestrae in nos voluntati nullo pacto respondere possumus, ut supplicia vota nostra, quibus Divinam Clementiam pro diuturnitate vitae, pro incolumitate, ac felicitate Excellentiae Vestrae sine intermissione exoramus, veluti signa non ingratae voluntatis nostrae, respicere non dedignetur, Excellentiae Vestrae enixe ac humillime supplicamus. Quibus osculantes sacratas manus, dum vivimus, nos protestamur semper

Excellentiae Vestrae

Roma die 13. Xbris 1761.

Stephanus Szalágyi

Ignatius Páffán.

Daniel Mitterpacher