Excellentissime ac Illustrissime Comes et Comes!
Domine et Patrone mihi benignissime!

Temeritatem hanc, quam ignotus litteris hisce meis continua eaque summa Excellentiæ Vestræ negotia interturbare audeo; et zelus, qua Excellentiæ Vestræ pro Religione Catholica, et Neo-convertitis indesinenter ardet; mihi condenet, suplex oro. Ego natione Transylvano-Hungarus Nobilis, ex Hollandia (cujus Universitates, medicas ex philosophicas artes excolendi gratia petioram) redux, posteaquam ope prorsus divina, Calvinianae Sectae errores, quibus enutritus eram, annis ab hinc tribus agnovissem Viennae in Academia Ecclesia, sub auspiciis Emin. ac Celsis. Principis et Cardinalis Regni Hung. Primatis, Domini mei de Bottyán, in manibus Reverendissimi Domini Andreae Szabo Canon. Strig. anno 1776 mens. novembr. publice fidei R. Catho. Professionem deposuisssem; tandem Tyrnaviae Lauream in philosophia Doctoralem, denique Budae in medicina eandem Lauream consecutus sum, et paulo post, ut Medicus aulicus ad Ill. D. Comitem Stephanum Andrásy veni, sub hac spe; ut prima quaque occasione se se emergente in aliquem Physicatum Provinciae promoverer. Iam Physicus Com. Borsodiensis decessit, ego vero adhuc dum in aula Ill. Dni Com. Andrásy moram necto. Diuturnae meae exspectationi aliam adsignare rationem nequeo, nisi forsitan quod omnibus Factoribus causam meam promoventibus, caream, et ignotus delitescam. Spero quidem meum Benignum Comitem mihi non defuturum, sed fors ille etiam me ab aliis potius commendari; quam a se solo denominari, contendit? Ergo et aliorum vota desiderantur; haec autem vota quum apud Excellentiam Vestram reperiunda existimarem, ab Excellentia Vestra summis precibus peto, ut auctoritate et pietate qua pollet, causa mea pro Borsodiensis Physicatu, gratiose ita suffragari dignetur; ut post multas procellas ad optatum portum pertingere possim, quod ut Excellentiae Vestrae difficile factu non erit, ita me aeternum obstringet. Qualiter autem aut mea profitear, aut calleam? quam animi et morum indolem prae meseram? 

testes mihi litterae praesto sunt, quibus, ut arbitror, nobiliora et copiosa magis producet nemo, qua esi praeterea confirmanda sint, Incl. Facultatem Medicam Budensem ad pello, quae de me facile meliora adseret, quam modestia mea effari patiatur. Linguis utor Hungarica et Germanica, et  libri Gallici et Anglici mihi sunt familiares. Interea Deum orare non desinam, ut cum Excellentiam Vestram causae meae propitiam faciat, tum eandem salvam et incolumem Patriae et Eclesiae incrementis quam diutissime conservet, qui sum. 

Monok 1779, die 4 Novembris

Samuel Benko