Budae 18 Nov. 1788.

Excellentissime Illustrissime ac Reverendissime Domine Episcope!

Domine Gratiosissime mihi omni Veneratione colendissime!

Sub ea spe, quod Excellentiae Vestrae opuscula litteraria hactenus a me edita jam aliquatenus nota sint, et ex ea necessitate quam mihi desiderium ea perficiendi; quae sub calamo habeo, imponit, mitto his acclusa Exemplaria Sciagraphiae eorundem elaborandorum pro notitia et signo mea, licet ignoti, erga Excellentiam Vestram observationis; supplico una humillime quatenus mihi tam ad Historiam Seminariorum, quam et Collectionem Pastoralium quod in ampla Bibliotheca Excellentia Vestra, Archivioque tam Episcopali, quam Capitulari haberi potuerit,

subiidium materiale monumenta que, imo et cogitationes ac Reflexiones hoc ambiguo Ecclesia tempore oportune proferendus gratiosissime communicavi curare dignetur. Non agitur mea causa Excellentissime Domine Praesul! sed de Patriae, Praelatorum, Ecclesiae, praesertim nationalis nostrae Hungaricae honore et gloria agitur, ad quam sua ex parte pro noto suo zelo Excellentiam Vestram, quod expedit conferre velle minime dubito. Quod ego in Patria mea et extra eam ex parte Litteraturae non plane ignotus fortassis tenuiore fortuna fruar, quam promerear, licet id, qui me propius norunt, universim credant, neque affirmare volo, nec inficiari possum, homines etiam praejudiciis studio dilatatis praeoccupati dantur, qui de me ambique sentiunt, sed animus meus ultra haec positus conscius bonae causae via recta vadit. Consecravi jam meliorem tenuis substantiae meae partem Patriae et Ecclesiae causa, mihique ipse patientiae necessitatem imposui, sed spe optimi eventus confortor. Videt Excellentia Vestra non pecuniam, vel aliud subsidium, sed auxilia ad prosecutionem sanctae intentionis a se meis prescribus exorari, spero itaque

et gratiosissimam Revolutionem et fiduciae meae veniam, quam dum praestolabor, me humillime commendo et sacratas manus omni cum venerationis cultu exosculando maneo

humillimus Leeerss et Eliens

Excellentiae Vestrae

Martinus Georg Kovachovich