Notitiis jam undique solerter collectis, submitto Elenchum Instrumentorum Physicorum isthic procurandorum cum notationibus a latere positis ea demissa cum requisitione, ut Declarationes Domini Physicae experimentalis Professoris, quae ultro desiderantur, mihi transmittendas gratiose disponere dignetur Excellentia Vestra. His perceptis non morabor. Instrumenta uberius circumscripta mox comparare, et quae parata non sunt, paranda curare Sua Majestas parat iter in Belgium, sed tempus abitus ad huc ignoratur per ipsos etiam aulicos qui suam Maestatem comitaturi ad iter jam praemoniti sunt.

In hostili exercitu Gallico erupit species pestis, ob id dicitur Princeps Coburg exercitum nostrum ad 2 miliaria retrascisse, lineamque duxisse bene munitam, quae neminem ea parte hostili admittit.

Me praealtis gratiis ultro humillime commendans omni submissione jugiter sum