Excellentissime, Illustrissima

ac Reverandissime Domine Domine!

Solicitudo non levis me tenuit, an non fors binae, quas ad Excellentiam vestram dederam, literae deperditae fuerint, cum diu nullum ad illas responsum obtinuerim. Timebam simul, ne alter mihi Bibliam manuscriptam praeripiat.

Metu hoc me tandem liberavit epistola, quam die 6ta labentis mensis Excellentia Vestra benigne ad me dare dignata est, qua prae reliquis mandatum mihi dederat, ut Bibliam illam notato pretio 80 f emam. Mandato huic illico obedivi, et feliciter Bibliam et quidem pro pretio 18 aureorum obtinni. Pecuniam a spectabili Domino Agente Bernath petere necessarium mihi non erat, cum sufficiens mihi adhuc superfuerit, imo praeteria floreni aliquot ad huc supersint. Gatebit hoc ex rationibus, quas in fine epistolae adjicia summam residuam in ulteriores Excellentiae vestrae dispositiones interea reservo. Vehementer gavisus sum quod et hanc rursum nactus sim occasionem, desiderio Excellentiae vetrae satisfaciendi; tota certe cura mea in eo semper versabitur ut nil praetermittam, quo ine totum obsequiis Excellentiae Vestrae impendam. spem optimam habeo Dubravii Historia fors obtinendi, quam, si acquisivero, illico trasmittam.

Recess. Dominus Matzo, qui aliquo jam temporeo apud nos moratur, et in fine mensis hujus Budam redibit, adferi Excellentiae vestrae Bibliam, et libellos complures, quos partim ego ei dederam; partim ipse collegit, hos inter non nulli sunt, qui spero, Excellentia vestra gratissimi erunt, quique non nisi occulta obtinentur. Narrabit is praeteria nova complura, quae scribere non expedit. Interea tamen, ut mandatis Excellentiae vestrae obsequar, quaedam, quae nunc prae reliquis mamoratu digna sunt, perscribo: Dominus Eibel tandem repugnantibus frustra protectoribus non nullis nuper lincium redire jussus est. Bartaloti pariter Pragam discedere debuit. R. D. Plorer nuperna die Dominica in Laxenburg praesente Imperatore, et nil tale opinante sacrum solemne cantavit, ad quod a parocho loci amico suo invitatus est. Factum hoc ipse Augustis simus Reverendissimus Domino Parhamer eadem adhuc die maximo cum risu narrabat, addiditque, cum tertiam orationem, quae illa die ad libitum erat, pro dono lachrimarum accepisse. Hodie intellexi, epistolam pastoralem Episcopi Labacensis, de qua nuper jam memini, heri Viennam allatam fuisse. si exemplar aliquod obtinere potuero certe Reverendissimo Domino Mako cum reliquis libellus dabo. Mandatum ad Universitatim datum est, ut votum de Imaculata conceptione, quod singulis annis solenniter in Ecclesia S. Stephani fiebat, non amplius emittatur. Ad commissionem illam, in qua res oeconomicae Ecclesiasticae pertractabuntur, ex Hungaris praeter Episcopum Okolichányi adhibebitur quoque Illust. Dominis Urmeny. Resolutio aulica facta est, qua omnia in urbe sacella numero plus quam viginti cassantur. Monasteriorum quoque quorundam mutationem fere certum est. Dominus Gintör Secretarius Imperatoris adhuc captivus tenetur; quodnam ejus praecipuum delictum sit, haetenus misterium est. Plura, quae litteris his adjiciam non habeo, quare manus demisse exosculans, gratiis ac paternae benevolentiae Excellentiae vestrae me humillime commendo, ac maneo

Excellentiae, vestrae

Viennae 21 July 1782

humillimus servus

Antonius Kurz

Accept.    1000 f

ex his expensi sunt

pro libris in licitat, et reliqu sump. 

uti in rationibus submissis.   697 f.  52 x

Donum pro concio. P. Bourdalaue    25 f 36 x

ad assignationem Domini Bretschneider 129 f

pro Biblia manuscripta 76 f 48x

Donum mihi benignissime assignatum 64 f

summa: 993 f 16 x

Residdum   6f. 44x