Tres cistas Librorum die hesterno accepi, magnam hanc supellectilem praeclarissimorum Librorum Bibliothecae accessisse sane gaudeo.

Maximam mihi Padre Domine Vestra faceret gratiam, si adiens Bibliopolam inquiraret, an habeat aliquem Autorem, qui Hermeneuticam juxta modernum systema pertractat, modo enim finitis Institutionibus Linguae Graecae Hermeneuticam incipiam, neque ullum in Bibliotheca habeo Auctorem, qui hanc materiam methodo moderna deducat; unde nisi talem nactus fuero, longo, et taedioso labore ex multis voluminibus materia pro praelectionibus haurienda, et in ordinem digerenda erit. Parcat quaeso quod molestus sim, jubeat me quoque dum opus habuerit, ad omnem nutum proptum experietur.

Rogo mittat continuationem Actorum Eruditorum Lipsiensium, ultimus Tomus qui extat in Bibliotheca est Annus 1773. caeteri anni desunt. Ex his multorum recentium Auctorum ( quorum fortasse numquam libros videbo) nititiam habere passem. [...]

Ex Bibl. Patachichiana

15 aprilis 1781