Excellentissine, Illustrissime, ac Reverendissime Domine Domine Praesul, Domine Praelate Benignissime!

Ad iterata Excellentiae Vestrae mandata, queis negotium Ecclesiae Varadiensis omni cum fervore, ac solicitudine tractari jubet,  iterum humillime significo repraesentationes hodie tandem Advocatum Benetti restituisse, qui causam hanc summo Pontifici proposuit, atque responsum a summo Pontifice accepit; ut brevem totius rei Extractum confici curet, eumque

ad suam sanctitatem deferat; quapropter praedictas Repraesentationes hac ipsa die Domino Zaccaria tradidi, ac una copiam Extractus illius quem Domino Agens confererat, ad Excellentiae Vestrae submiserat; tradidi inquam haec, fine eo, ut illum Extractum, si ita judicaverit, mutet reformetque, et efficiat, ut res ex Extractu summo antistiti innotescat penitus; assumpsit hanc in se provinciam Domine Zaccaria animo plane libentissimo, nec dubium esse potest, quin Idem, opus perfectum ac omnibus numeris absolutum confectusussit. Novi hujus Extractus copiam Excellentiae vestrae primo quoque tempore transmittam. Ex his patet suam sanctitatem per Praelatum Negioni verbotemus tantum esse informatam Res Iesuitarum in eo, quo ultimis meis significavi, sunt Hatu; neque aliud addendum putavi, nisi quod Padre Benincasa eo tempore, quo dimissus e Cassello est, mandatum acceperit, Urbe Roma quo voluerit migrandi. Habita est die 21 praesentis Mensis in Academico Collegii Romani Templo Disputatio sub praesidiso Padre Lazar ex Historia Ecclesiastica, Materia integra Disputationis erat de liminibus Apostolorum, distributusque libellis 14 foliis constans, in quo super eadem materia Lazari disserit: illum ego libellum, qui mihi obtigit, una cum reliquis libris transmittam omnes libri, excepto Antifebronio Italico, qui Romae non reperitur parati sunt; putabam me his diebus mandatum ad meas intutuitu librorum datus Literas, ab Excellentia vestra accepturum, hoc tamen nondum advenit. Antequam finiam non possum non meminisse Padre Mamachi jam ab imitio mei in Urbem adventus mihi cogniti, modo vero etiam amicitiae vinculo conjuncti, laudarem ego virum ab humanitate in me est eam vix satis verbis exprimere possum, id solum addo, me ab illo methodum ad perfectam Graece linguae notitiam perveniendi accepisse Mamachius siquidem magnus latinus, et non rimor Graecus est. Mandavit ille mihi jam bis hac hebdomada, ut ejus humillima Excellentiae Vestrae obsequia deferrem cum demisissimo sacrarum manuum osculo; palam fecit ille suam in Excellentiam Vestram observantiam etiam in eo, quod ubi a me audisset, procuranda omnia sua pro Excellentia Vestra opera, actatum illa, dua adnotaverit manu, appositis etiam pretiis, ac etiam aliqua illorum, quae haberi aliter non poterant, ipse procuraverit.

Mihi certe animus est, non solum Mamachium, sed etiam omnes, qui Romae existunt plurimi, doctos viros colendi non alium ob finem, quam ut ab his totidem veluti Scientiarum promptuari, guttam aliquam scientiae in me quoque derivem, atque hoc solum vero thesauro saltem mediocriter ditatus, in patriam remeare possim. In Reliquo paternae benignitati me humillime commendans ac sacratissimas manus flexu poplite osculans maneo

Romae 23. Augusti 1775.

Humillimus Capellanus

Andrea Fogarassy